सरकारले मुस्ताङमा तारा एयरको जहाज दुर्घटना अनुसन्धान गर्न पाँच सदस्यीय आयोग गठन गरेको छ।

संस्कृति, पर्यटन तथा नागरिक उड्डयन मन्त्रालयले वरिष्ठ एरोनटिकल इन्जिनियर रतिशचन्द्र लाल सुमनको संयोजकत्वमा आयोग बनाएको हो। सदस्यहरूमा क्याप्टेन दिपु ज्वार्चन, वरिष्ठ मेन्टिनेन्स इन्जिनियर उपेन्द्रलाल श्रेष्ठ, वरिष्ठ मौसमविद मणिरत्न शाक्य र मन्त्रालयका सहसचिव बुद्धिसागर लामिछाने छन्।

समितलिाई दुर्घटनाको कारण पत्ता लगाई भविष्यमा यस्ता घटना दोहोरिन नदिने उपाय सिफारिस गर्ने कार्यादेश दिइएको छ।

आइतबार भएको उक्त जहाज दुर्घटनामा चालक दलका तीन सदस्यसहित २२ जनाको मृत्यु भएको थियो। आइतबार बिहान १० बजेतिर सम्पर्कविहीन भएको जहाज सोमबार बिहान मात्र विकट हिमाली भेगमा दुर्घटनाग्रस्त भेटिएको थियो।