चितवनमा ६ जेठमा आएको भीषण हावाहुरीसहितको वर्षाका कारण बिजुली, खानेपानी, सडकलगायत सेवा अवरुद्ध भए।

हावाहुरीले विभिन्न ठाउँमा विद्युत पोल भाँचिए। ट्रान्सफर्मर क्षतिग्रस्त भए। रुख ढलेर तार चुँडिए।

हावाहुरीले जिल्लामा दुई सयभन्दा बढी पोल ढले। विद्युत प्राधिकरण भरतपुर वितरण केन्द्रका इन्जिनियर राजेन्द्र पौडेलका अनुसार ६ दिन लगाएर जिल्लामा पूर्ण रूपमा विद्युत सेवा सञ्चालनमा ल्याइयो। यो अवधिमा ५० लाख रुपैयाँभन्दा बढीको भौतिक क्षति भएको पौडेलले जानकारी दिए।