काठमाडौं- नेपालका लागि पाकिस्तानका राजदूत मोहम्मद आमिर खानले आज राष्ट्रपति रामचन्द्र पौडेल समक्ष आफ्नो ओहोदाको प्रमाणपत्र प्रस्तुत गरेका छन्।

सो अवसरमा राजदूत खानले पाकिस्तानको नेतृत्वका तर्फबाट शुभकामना व्यक्त गर्नुका साथै पाकिस्तान र नेपालबीचको मित्रता तथा सहयोगको दिगो सम्बन्धलाई अझ सुदृढ बनाउन पाकिस्तान तत्पर रहेको विषय दोहोर्‍याए।

ओहोदाको प्रमाणपत्रको प्रस्तुतिले दुई देशबीचको घनिष्ठ तथा सौहार्दपूर्ण द्विपक्षीय सम्बन्धलाई अझ अघि बढाउने क्रममा एउटा महत्त्वपूर्ण कोसेढुंगाको रूपमा काम गरेको छ।