३० वैशाखमा सम्पन्न स्थानीय तह निर्वाचनको मतगणनाअन्तर्गत अब नौ पालिकाको अन्तिम परिणाम आउन बाँकी छ।

निर्वाचन आयोगका अनुसार ७५३ मध्ये ७४४ पालिकाको अन्तिम मत परिणाम सार्वजनिक भइसकेको छ। कतिपय पालिकाको मतगणना सम्पन्न भए पनि घोषणा भई आयोगको प्रणालीमा राख्न बाँकी छ।

अन्तिम परिणाम आउन बाँकी पालिकामा वागमती प्रदेशमा काठमाडौँ महानगरपालिका, प्रदेश-१ मा उदयपुरका त्रियुगा र कटारी नगरपालिका, मधेश प्रदेशमा रौतहटका गढीमाई, गरुडा र फतुवा विजयपुर नगरपालिका, रुपन्देहीको तिलोत्तमा नगरपालिका तथा कपिलवस्तुको महाराजगञ्ज नगरपालिका छन्। सुदूरपश्चिममा बाजुराको बुढीगङ्गा नगरपालिकामा भएको मतदानबारे आयोगले गरेको छानविनका आधारमा निर्णय आउन बाँकी छ।