काठमाडौँ । काठमाडौँ महानगरको मेयरमा स्वतन्त्र उम्मेदवार बालेन साह विजयी भएका छन् । मत गणना नसकिँदै उनी विजयी भएका हुन् ।

पछिल्लो मत परिणामअनुसार बालेन गणना हुन बाँकी मतभन्दा बढी मतले आफ्ना प्रमुख प्रतिस्पर्धीसँग मतान्तरमा रहेका छन् । उनले कांग्रेसकी सिर्जना सिंहसँग २०१९६ मतको अग्रता लिएका छन् । तर, अब १९६४९ मत मात्रै गन्न बाँकी छ ।

काठमाडौंमा कूल एक लाख ९१ हजार १८६ मत खसेको थियो । जसमा बालेनले करिब ४० प्रतिशत मत पाएका छन् ।

बालेन काठमाडौं मेयर निर्वाचन भएसँगै स्वतन्त्र व्यक्ति मेयरमा निर्वाचित भएको यो पहिलोपटक हो ।

नेकपा एमालेका उम्मेदवार केशव स्थापित तेस्रो स्थानमा रहेका छन् ।