भरतपुर महानगरपालिकामा अब नौ सय मत मात्र गणना गर्न बाँकी छ। केहीबेरमै अन्तिम परिणाम घोषणा हुने सम्भावना बढेको छ।

हालसम्म माओवादी केन्द्रकी रेनु दाहालले ५१ हजार ६६६ मत पाएकी छन्। एमालेका विजय सुवेदीको भागमा ३९ हजार ३४३ मत परेको छ भने स्वतन्त्र उम्मेदवार जगन्नाथ पौडेलले १४ हजार ७४१ मत पाएका छन्।

उपमेयरमा कांग्रेसका चित्रसेन अधिकारीको ५२ हजार ४२१ र राप्रापाकी हिमला गुरुङको ३० हजार ४७७ मत आएको छ।

भरतपुरमा एक लाख २७ हजार ८३९ मत खसेको थियो। अनेक अडकलबाजीबीच सत्तारुढ गठबन्धनले त्यहाँ विजय झण्डा फहराएको छ।