सिडनी- अष्ट्रेलियामा शनिबार आम निर्वाचन हुँदैछ। राजनीतिक विश्लेषकहरुले एउटै दलले बहुमत ल्याउने सम्भावना न्यून रहेको र नयाँ सरकार गठनका लागि राजनीतिक संघर्ष हुन सक्ने बताएका छन्।
यसबीच अस्ट्रेलिया ब्रोडकास्टिङ कर्पोरेशन (एबीसी)ले वर्तमान प्रधानमन्त्री स्कट मोरिसनको कन्जरभेटिभ गठबन्धनले सरकार बनाउन असफल हुने भविष्यवाणी गरेको छ। एबीसीले चुनावमा लेबर पार्टीले स्कट मोरिसनको सरकारलाई पराजित गरेको जनाएको छ।
एबीसीका अनुसार लेबर पार्टीले अल्पमतको सरकार बनाउन सक्नेछ। एबीसीले लेबर पार्टीका नेता एन्थोनी अल्बानीज देशको नयाँ प्रधानमन्त्री बन्न सक्ने आकलन गरेको छ। मतदानको नतिजालाई हेर्दा मतदाताहरुले दुवै प्रमुख दलबाट टाढिन खोजेको देखाएको छ।
सिड्नी र मेलबर्नमा स्वतन्त्र उम्मेदवारहरूले राम्रो प्रदर्शन गरिरहेका छने भने ब्रिस्बेनमा ग्रिन पार्टी अगाडि बढिरहेको छ।
