मधेश प्रदेशको एक मात्र महानगर वीरगञ्जमा मेयर र उपमेयरको बदर मत अत्यधिक पाइएको छ।

दुवै गरी २५ हजार ४६७ मत बदर भएको छ। त्यसमा मेयरको भन्दा उपमेयरको बदर मत बढी छ। मेयरका उम्मेदवारहरूतर्फ सात हजार ७८० मत बदर भएको छ। उपमेयरतर्फ १७ हजार ६८७ मत बदर भएको छ।

पर्याप्त मतदाता शिक्षाको अभाव तथा उम्मेदवार नपाएर असन्तुष्ट बनेका नेताहरूका कारण त्यति ठूलो संख्यामा मत बदर भएको हुन सक्ने जानकारहरू बताउँछन्।