मेष- पेटको खराबीले स्वास्थ्य कमजोर बन्नुका साथै काममा ढिलासुस्ती हुन सक्छ, खानपानमा विचार पुर्याउनु होला। केही बाध्यात्मक परिस्थितिसँग सम्झौता गर्नुपर्ला।
वृष- परिश्रमअनुसार उपलब्धि राम्रै पाइएला। रोकिएका काम फेरि शुरु हुन सक्छन्। अन्नको लाभ होला। परिवारजनका आकांक्षा पूरा गर्न सकिनेछ। आज कसैबाट समर्थन एवं धन पाइने दिन छ।
मिथुन- आज चिताएको काममा सफलता पाइनेछ। धन लाभ पनि हुने दिन छ। पुराना साथीसँगको भेटघाटले मन रमाउने छ। परिवारबाट सुखानुभूति मिल्ला।
कर्कट- शरीरमा सामान्य रोगले सताउला। तथापि, सामाजिक सम्मान पाउने समय छ। यात्राको पनि योग छ। हाँसखेल र मनोरञ्जनमा दिन बित्नेछ।
सिंह- आर्थिक पक्ष खासै राम्रो छैन। भौतिक सामानको क्षति हुने दिन छ। आर्थिक अभाव देखा पर्न सक्छ।
कन्या- बन्दैन भनेको काम पनि तपाईंको अथक प्रयासमा बन्ने दिन छ। आफन्तको सहयोग पनि प्राप्त हुने दिन छ। आफन्तसँग भेटघाट हुनाले मन प्रफुल्ल रहने छ।
तुला- नचिताएको ठाउँबाट आम्दानी हुने दिन छ। व्यापार व्यवसायमा राम्रै लाभ हासिल हुनेछ। उपलब्धीमूलक रमाइलो यात्रा हुन सक्छ। सकारात्मक र व्यावहारिक सोचको विकास हुनेछ।
वृश्चिक- कुनै नयाँ कामको थालनी गर्नु भए राम्रो दिन छ। आर्थिक समस्याले भने सताउने छ। तथापि, काममा जाँगर चलाउँदा धन आर्जन हुन सक्छ। सन्तानबाट सुखानुभूति हुनेछ।
धनु- आज अनावश्यक डरले सताउला। कसैसँग हल्का मनमुटाव हुन सक्छ। स्वास्थ्यमा अचानक गडबडी आउने सम्भावना देखिन्छ।
मकर- कसैबाट आदर पाउने दिन छ। जागिरमा भने खासै मन नजाला। विशिष्ट व्यक्तित्वहरूसँग मित्रता बढ्नेछ। अरूलाई प्रभावित पारेर काम बनाउने समय छ।
कुम्भ- सोचेका काम पूरा हुने दिन छ। दाम्पत्य सुख प्राप्त होला। परोपकार र धार्मिक क्षेत्रमा लगानी गरेमा राम्रो प्रतिफल प्राप्त हुनेछ।
मीन- आकस्मिक लाभ हुन सक्छ। परिवारमा भने सामान्य विवाद होला। आकस्मिक निम्तोमा सहभागी हुने सम्भावना देखिन्छ। विभिन्न उपहार पाइनुका साथै आयआर्जन पनि राम्रै हुनेछ।