मकवानपुर थाहा नगरपालिकामा गठबन्धनका उमेदवारहरू मेयरमा माओवादी केन्द्रका विष्णु बिष्ट र उपमेयरमा कांग्रेसका भरत गोपाली विजयी भएका छन्।

कुल २३ हजार ५६ मत खसेकोमा मेयरमा बिष्टले नौ हजार ७१९ मत प्राप्त गरे। उनका निकटम प्रतिद्वन्द्वी एमालेका अच्युतम ढकालले सात हजार ७७१ मत प्राप्त गरे।

यस्तै, उपमेयरमा कांग्रेसबाट भरत गोपालीले आठ हजार ६०७ मत प्राप्त गरेर निर्वाचित भए। उनका निकटम प्रतिद्वन्द्वी एमालेकै कल्पना बलामीले आठ हजार ५२२ मत प्राप्त गरिन्।

अघिल्लो स्थानीय तहको निर्वाचनमा पनि गठबन्धनले नै जित हासिल गरेको थियो। थाहा नगरपालिकामा माओवादी ६ तथा कांग्रेस र एमालेले ३–३ वडामा विजयी भएका छन्।