भरतपुर महानगरपालिकामा माओवादी केन्द्रकी मेयर उम्मेदवार रेनु दाहाल प्रतिस्पर्धीभन्दा १३ सय ४४ मतले अगाडि बढेकी छन्।

हालसम्म उक्त महानगरको २६ हजार २६ मत गणना भइसकेको छ। त्यसमा रेनुले नौ हजार ३६३ मत पाएकी छन् भने एमाले विजय सुवेदीले आठ हजार १९ मतका साथ उनलाई पछ्याएका छन्।

यसअघि झिनो मतले अगाडि–पछाडि हुँदै आएका दाहाल र सुवेदी अहिले फराकिलो अन्तरमा पुगेका छन्। कांग्रेसका विद्रोही उम्मेदवार जगन्नाथ पौडेलले चार हजार १९१ मत पाएका छन्।

उपमेयरमा कांग्रेसका चित्रसेन अधिकारी ११ हजार १३६ मतसहित अगाडि छन्। उनलाई राप्रपाकी हिमला गुरुङले ६ हजार ५३५ मतका साथ पछ्याइरहेकी छन्।