काम गर्दा गर्दै बेहोस भएपछि उदयपुरका मुख्य निर्वाचन अधिकृत दीपक खनालले राजीनामा दिएका छन्।

काम गरिरहेका बेला उनी शनिबार बेहोस भएका थिए। निर्वाचनको बाँकी काम गर्न नसक्ने उल्लेख गर्दै उनले राजीनामा दिएका हुन्।

उदयपुरका ९८ मतदानस्थलमध्ये त्रियुगा-१२ जनप्रेमी आधारभूत विद्यालय पुरानो गाईघाटस्थित केन्द्रमा विवाद र कटारी-१० मा प्रहरीको गोली लागेर एक युवकको मृत्यु भएपछि खनाल तनावमा थिए।

विवादपछि जनप्रेमी आधारभूत विद्यालयमा मतदान स्थगित भएको थियो। स्थगित गरिएको ठाउँमा मतदान गर्न नसक्ने भन्दै मुख्य निर्वाचन अधिकृतले राजीनामा दिएका हुन्।