काठमाडौँ । भरतपुर महानगरपालिकामा सत्ता गठबन्धनकी रेनु दाहालले अगाडि रहेकी छन् । कूल चार हजार ४२३ मत गणना हुँदा माओवादी केन्द्रकी रेनुले एक हजार ६११ मत पाएकी छन् ।

यस्तै, एमाले–राप्रपा गठबन्धनका उम्मेदवार विजय सुवेदीले एक हजार ५४१ मत पाएका छन् । कांग्रेसका बागी उम्मेदवार जगन्नाथ पौडेलले ५३७ मत पाएका छन् ।

उपमेयरमा पनि गठबन्धनकै चित्रसेन अधिकारीले एक हजार ७७५ मत पाएका छन् । यस्तै, राप्रपाकी हिमला गुरुङले एक हजार २४२ मत पाएकी छन् ।