शुक्रबार भएको पालिका चुनावको मत परिणाम सार्वजनिक भइरहेका छन्।

पालिका चुनावमा हालसम्म १९ स्थानीय तहको नतिजा सार्वजनिक भएको छ। सार्वजनिक परिणामअनुसार कांग्रेस र एमाले बराबरी हैसियतमा छन्। माओवादी केन्द्र तेस्रो स्थानमा छ भने एकीकृत समाजवादी चौथोमा ।

कांग्रेसले हालसम्म सातवटा पालिका जितेको छ। जसमा मनाङको नार्पाभूमि गाउँपालिकामा कोन्जो तेन्जिङ लामा, मुस्ताङको घरपझोङ गाउपालिकामा मोहनसिंह लालचन, मनाङको नासों गाउँपालिमा धनबहादुर गुरुङ, गुल्मीको रेसुंगा नगरपालिकामा खिलध्वज पन्थी, गुल्मीको गुल्मीदरवार गाउँपालिकामा सरोज थापा, डडेलधुराको गन्यापधुरा गाउँपालिकामा इन्द्रबहादुर कार्की र डोटीको बडिकेठार गाउँपालिकामा कांग्रेसका भैरवबहादुर साउदले जितेका छन्।

यस्तै, एमालेबाट डोल्पाको शे–फोक्सुन्डो गाउँपालिकामा धावा सम्डुक गुरुङ, मनाङको चामे गाउँपालिकामा लोकेन्द्रबहादुर घले, मुस्ताङको लो–घेकर दामोदरकुण्डमा लोप्साङ छोम्पेल विष्ट, मुस्ताङको डिस्याङ गाउँपालिकामा कान्छा घले, मुस्ताङको लोमन्थाङमा टसी न्हुर्व गुरुङ, मुस्ताङको वारागुङ मुक्तिक्षेत्र गाउँपालिकामा रिन्जिन नामगेल गुरुङ र बझाङ साइपाल गाउँपालिकामा मानवीर बोहराले जितेका छन्।

माओवादी केन्द्रबाट डोल्पा जगदुल्ला गाउँपालिकामा नारासिं रोकाय, दैलेख नौमुले गाउँपालिकामा छविलाल सुवेदी, बागलुङको ताराखोला गाउँपालिकामा धनबहादृुर विक विजयी भएका छन्।

एकीकृत समाजवादी पार्टीले दुईवटा स्थानीय तहमा जित हासिल गरेको छ। डोल्पाको काइके गाउँपालिकामा अंगदकुमार राना र डोल्पाको छर्का ताङसोङ गाउँपालिकामा सोनाङ गुरुङले जितेका छन्।