कैलाली- मेडिकल हबको रुपमा रहेको सुदुरपश्चिम प्रदेशको मुख्य प्रदेशद्वार अत्तरियामा रहेको अत्तरिया अस्पताल प्रालिले आजबाट मुटुरोगका लागि अत्यावश्य रहेको क्याथल्याब सेवा शुरु भएको छ । उक्त सेवाको बरिष्ठ मुटुरोग बिशेषज्ञ प्रा. डाक्टर यादब भट्ट र अस्पतालका संस्थापक रघुनाथ पाठकले संयुक्त रुपमा शुभारम्भ गरेका छन ।
करिब १५ करोडको लगानीमा अत्तरिया अस्पतालले सेवा शुरु गरेको अस्पतालका अध्यक्ष समेत रहेका डा. आनन्द पाठकले जानकारी दिए । डाक्टर पाठकले अस्पतालले अन्य सम्पुर्ण सेवाहरु दिदै आएको बताउदै अब मुटुका लागि समेत बिरामीलाई अन्यन्त्र जान नपर्ने बताए ।
यसअघि सामान्य मुटुरोगका लागि समेत बाहिर धाउनु पर्ने समस्याको अब अन्त्य हुने बताउदै बरिष्ठ मुटुरोग बिशेषज्ञ प्रा. डाक्टर भट्टले मुटुको शल्यकृया नगरि पेसमेकर राख्ने, भल्ब खोल्ने, मुटुका प्वाल टाल्ने लगायतका सम्पुर्ण सेवा अब अत्तरिया अस्पतालबाटै प्रदान गरिने बताए ।
