नयाँदिल्ली- भारतीय चर्चित अभिनेता सलमान खानका भाइ अभिनेता तथा निर्देशक सोहेल खान र उनकी श्रीमती सीमा विवाह भएको २४ वर्षपछि सम्बन्धविच्छेद गर्दैछन्।

शुक्रवार दुवैलाई मुम्बईस्थित फ्यामिली कोर्टबाहिर देखिएको थियो। सो अवधिभर उनीहरू साथीजस्तै देखिएका थिए।

भारतीय सञ्चार माध्यमका अनुसार यी दुईले मुम्बईको फ्यामिली कोर्टमा सम्बन्धविच्छेदका लागि निवेदन दिएका छन्। सम्बन्धविच्छेदबारेमा अहिलेसम्म दुवै पक्षबाट कुनै आधिकारिक घोषणा गरिएको छैन।

लामो समयदेखि यी दुईबीच सम्बन्ध राम्रो नभएको सञ्चारमाध्यमले जनाएका छन्। सोहेल र सीमाले सन् १९९८ मा भागेर विवाह गरेका थिए। यो दम्पतीका दुई सन्तान पनि छन्।