नयाँदिल्ली- वानिन्दु हसरंगाको पाँच विकेटको मद्दतबाट आईपीएल, २०२२ को ५४औं खेलमा रोयल च्यालेन्सजर्स, बैंग्लोरले सनराइजर्स हैदराबादलाई ६७ रनले पराजित गरेको छ।
बैंग्लोरको यो १२ मध्ये सातौँ जित हो। यससँगै १४ अंकका साथ बैंग्लोर अंक तालिकामा चौथो स्थान कायम रहेको छ।
बैंग्लोरको १९३ रन पछ्याउँदै हैदराबादको टिम १२५ रन बनाएर अल आउट भयो। र, ६७ रनको फराकिलो अन्तरका साथ खेलमा पराजित भयो।
हैदराबादको शुरुवात राम्रो रहेन। उसको पहिलो दुई विकेट केवल एक रनमा समेटियो। त्यसपछि राहुल त्रिपाठी र मारकरमले तेस्रो विकेटका लागि अर्धशतकीय साझेदारी गरे। मारकरम २१ रन बनाएर आउट भए। राहुलले ३७ बलमा ५८ रनको पारी खेले। त्यसबाहेक निकोलस पुरनले दोहोरो अंकमा रन जोडे।
बैंग्लोरको तर्फबाट वानिन्दु हसरंगाले आफ्नो चार ओभरमा १८ रन बनाउँदै पाँच विकेट लिए। जोस हेजलवुडले दुई तथा ग्लेन म्याक्सवेल र हर्षल पटेलले १–१ विकेट लिए।
यो हैदराबादको ११ म्याचमा छैटौं हार हो। र, आईपीएल–१६ मा लगातार चौथो हार पनि हो।
बैंग्लोरले टस जितेर पहिले ब्याटिङ गर्दै कप्तान फाफ डुप्लेसीको ७३ रनको पारीसहित १९३ रनको लक्ष्य दिएको थियो। बैंग्लोरको पारीमा रजत पाटीदार ४८, ग्लेन म्याक्सवेल ३३ र दिनेश कार्तिकले ३० रनको पारी खेलेका थिए।
