भारतमा खाना पकाउने ग्यासको मूल्य बढेको छ। शनिबारदेखि भारतभर प्रतिसिलिन्डर ५० भारतीय रुपैयाँ (नेपाली ८० रुपैयाँ) मूल्य बढेको छ।

राजधानी दिल्लीमा प्रतिसिलिन्डर ९९९.५० भारु मूल्य पुगेको छ, जसको नेपाली मूल्य हुन्छ, १५९९.२ रुपैयाँ। भारतको विपक्षी कंग्रेसले नरेन्द्र मोदी सरकारमाथि ग्यासको मूल्य बढाएकामा आलोचना गरेको छ।

कंग्रेस प्रवक्ता डा. शमा मोहम्मदले ट्विट गरेकी छन्, ‘मार्च २०१४ मा ग्यास प्रतिसिलिन्डर ४१०.५० रुपैयाँ थियो। अब गरिब र मध्यम वर्गले यति महँगो ग्यास कसरी खरिद गर्न सक्छन्?’

नेपालले भारतबाटै पेट्रोलियम पदार्थ लिँदै आएकाले त्यसको असर यहाँ पनि पर्न सक्ने जानकारहरू बताउँछन्। भारतीय आयल कर्पोरेसनले बढेको मूल्य सूची नेपाललाई पठाउँदै आएको छ।