काठमाडौं- प्रधानमन्त्री तथा कांग्रेस सभापति शेरबहादुर देउवाले काठमाडौंजस्तो देशको ठूलो महानगरले महिला उम्मेदवार पाउनु ठूलो कुरा भएको बताएका छन्।

शुक्रबार काठमाडौमा पाँचदलीय गठबन्धनका चुनावी सभामा बोल्दै यस्तो बताएका हुन्। देशका ठूला दुई महानगरले महिला उम्मेदवार पाउनु ठूलो कुरा भएको बताउँदै उनले दुवैलाई जिताउन आग्रह गरे।

उनले भने, ‘गठबन्धनले दुईजना महिला उम्मेदवार उठाएको छ। अत्यधिक मत दिएर विजय गराउनु हुने भन्ने आशा गरेका छौँ।’

सिर्जना सिंह र रेणु दाहाल आफैंमा क्षमता र योग्यता भएको भन्दै परिवारवादको आरोप नलगाउन आग्रह गरे।

१४ औं महाधिवेशन र केन्द्रीय समितिले पनि गठबन्धन आवश्यक भएको ठहर गरेको बताए। उनले नेपालमा मात्र नभए विदेशका विभिन्न मुलुकमा पनि गठबन्धन भएको बताए।