नयाँदिल्ली- हिजोआज वासिङ मेसिन हरेक घरको आवश्यकता बनेको छ। यसबाट समय र मिहिनेत दुवै बचत हुन्छ। तर, त्यही वासिङ मेसिनको प्रयोग सही ढंगले गरिएन भने कपडाको आयु घट्न जान्छ।
वासिङ मेसिनको गलत प्रयोगका कारण कपडाको रङ उड्छ। फेब्रिकको गुणस्तर खराब हुन्छ। धागो निस्किन थाल्छ। र, सिलाई पनि कमजोर हुन पुग्छ।
खासगरी, कपडा धुँदा हामी मेसिनको वासिङ मोडको सही प्रयोग, डिटर्जेन्टको सही छनोट र कपडाको ठीक ढंगले केयर गर्दैनौं। र, त्यसको असर हाम्रा रुचिकर कपडामा पर्छ।
मेसिनमा बारम्बार धुँदा कपडा खराब हुने मनोविज्ञान छ। तर, खासमा फेब्रिकको प्रयोग सही ढंगले भयो भने कपडा सधैं नयाँ देखिन्छन् र उमेर पनि बढ्छ।
वासिङ मेसिनमा यी ६ गल्ती
– ज्यादा डिटर्जेन्टको प्रयोग गर्ने प्रवृत्ति
– कलर र फेब्रिकको हिसाबबाट कपडा अलग नगर्नु
– दाग लागेका कपडा धुनुअघि दाग सफा नगर्नु
– वासिङ मेसिनको गेट सधैं बन्द राख्नु, जसले फंगस लाग्छ।
– ड्रायरका लिन्ट फिल्टर समय-समयमा सफा नगर्नु
– समय-समयमा वासिङ मेसिनको सफाइ नगर्नु
फलो गरौं यी १० टिप्स
– कपडा धुँदा कास्टिक सोडावाला डिटर्जेन्ट प्रयोग नगरौं
– सफ्ट साबुनकै प्रयोग मात्र गरौं
– मेसिनमा राख्नुअघि कपडालाई एक घण्टा भिजाऊँ
– कपडा भिजाउँदा र धुँदा चिसो पानी मात्र प्रयोग गरौं
– वासिङ मेसिनमा एकसाथ अति धेरै कपडा नहालौं
– सेतो कपडाबाहेकलाई कोल्ड सेटिङमा धोऊँ
– तत्काल सुकाउन जरुरी छैन भने मेसिनको आरपीएम लेभल कम राखौं
– डेलिकेट कपडाका लागि मेस ब्यागको प्रयोग गरौं
– कपडालाई अत्यधिक घाममा नसुकाऊँ। घरको छायावाला ठाउँ (जहाँ हावा लाग्छ) मा सुकाऊँ।
– गह्रुँगा कपडालाई ह्यांगरमा नटाँगौं।