नयाँदिल्ली- रक्तनलीमा पर्ने रक्त प्रवाहको चाप नै रक्तचाप हो। खासगरी, तनाव अत्यधिक बढ्दा रक्तचाप पनि बढ्न सक्छ।

तनावमा घबराहट बढ्दा या एन्जाइटीको कारण शरीरमा हर्मोनल बदलाव आउँछ। त्यसका कारण रक्तचाप अचानक बढ्न जान्छ। त्यसबाहेक पेनकिलर, एन्टी-डिप्रेसेन्टजस्ता औषधि एवं अन्य बिरामीका कारण पनि रक्तचाप बढ्न पुग्छ।

रक्तचाप बढ्ने यी कारण

– तनाव अत्यधिक बढ्दा

– औषधिहरूको साइड इफेक्ट

– थाइराइडको समस्याका कारण

– मिर्गौलासम्बन्धी रोगका कारण

– मुटु रोगका कारण

– कुनै अंग फेल या ड्यामेज हुँदा

– मदिरा र चुरोट सेवनका कारण

यी अवस्था इमर्जेन्सी

– छातीमा अचानक असह्य दुखाइ

– टाउको अत्यधिक दुख्‍ने

– रिंगटा लाग्ने

– श्‍वास-प्रश्‍वासमा समस्या

– अचानक वान्ता हुने

– आँखा देख्‍न मुश्किल हुने

– मानसिक सन्तुलन गुम्‍ने

– पिसाब आइरहने

– शरीर संवेदनहीन हुने या कमजोरी महशुस हुने