नयाँदिल्ली- भाइबहिनीबीच सधैं आफूहरू मध्ये कसलाई मातापिताले बढी माया गर्छन् भन्ने बहस भइरहेको हुन्छ। यो कुरा मातापितालाई मजाकजस्तो लागिरहेको हुन्छ। तर, साँच्चै बालबालिकाले यस्तो महशुस गरिरहेका हुन्छन्।
यो बालबालिकाको गल्ती होइन। उनीहरूलाई जस्तो महशुस हुन्छ, त्यस्तै भन्ने गर्छन्। कतिपय बालबालिकाले त आफूमाथि किन असमान व्यवहार भइरहेको छ भन्ने थाहा पनि पाएका हुँदैनन्।
तर, मातापिताबाट पाएको कम प्यार र उपेक्षाको प्रभाव उनीहरूको पूरै जीवनमा परिरहेको हुन्छ। मानिसको स्वभाव नै हो, कसैमाथि बढी र कसैप्रति कम माया दर्साउने। तर, हरेक बच्चाले मातापिताको उत्तिकै माया पाउने अधिकार राख्छन्।
त्यसैले उनीहरूलाई आफूले कम माया पाइरहेको महशुस नै गर्न दिनु हुँदैन। किनकि, त्यस्तो महशुस गरिरहेका बालबालिकाको मानसिक र इमोसनल स्वास्थ्यमा नोक्सानी पुर्याउँछ।
कम माया पाउने बच्चालाई पर्ने असर
– उसमा आत्मविश्वासको कमी हुन जान्छ
– भाइ-बहिनीबीच झगडा भइरहेको हुन्छ
– मातापितासँग भावनात्मक रूपमा दूरी बढ्छ
– मातापिताको एटेन्सन पाउन नकारात्मक व्यवहार प्रदर्शन गर्छन्
– सामाजिक व्यवहारमा समस्या आउँछ
– मानसिक स्वास्थ्य समस्या देखिन्छ
– बदला लिने भावनाको विकास हुन्छ
– आफैंलाई दोषी मान्ने आदत बन्छ
यी कारणले मातापिताले गर्छन् ज्यादा माया
– समझदार र जिम्मेवार बच्चा
– मातापिताको पहिलो सन्तान
– मातापिताको रोजाइको जेन्डर
– मातापिताको स्वभावसँग मेल खाने स्वभाव
– कुनै बिरामी र कमजोरीबाट परेशान बच्चा
भास्कर डट कमबाट