भोलि १ मेमा सन् २०२२ को पहिलो सूर्य ग्रहण लाग्दैछ। तर, दक्षिण एसियामा उक्त सूर्य ग्रहण नदेखिने बीबीसीले उल्लेख गरेको छ।

दक्षिण एसियामा मध्यरात शुरु भएपछि सूर्यग्रहण शुरु हुनेछ। र, दक्षिण अमेरिकामा मात्र देखिने छ। नेपाली समयअनुसार राति १२ बजेर ३१ मिनटमा शुरु हुने ग्रहण बिहान चार बजेर २२ मिनटमा समाप्त हुनेछ।

अमेरिकी अन्तरिक्ष एजेन्सी नासाका अनुसार चिली, अर्जेन्टिना, उरुग्वे, पश्चिमी पाराग्वे, दक्षिण–पश्चिमी बोलिभिया, दक्षिण–पूर्वी पेरू र दक्षिण–पश्चिम ब्राजिलमा सूर्य ग्रहण देखिने छ।

पृथ्वी र सूर्यका बीचमा चन्द्रमा आउँदा सूर्यग्रहण हुने गर्छ। चन्द्रमाको छाया पृथ्वीमा पर्छ र सूर्यको केही भाग ढाकिन्छ। पृथ्वी, चन्द्रमा र सूर्य एउटै सीधा रेखामा आउँदा पूर्ण सूर्य ग्रहण हुने गर्छ।