काठमाडौँ । काठमाडौँ महानगरमा प्रमुख प्रतिपक्षी दल नेकपा एमालेबाट मेयर पदको उम्मेदवारी दिएका केशव स्थापितलाई कारबाही गर्न माग गरिएको छ । उनीविरुद्ध विभिन्न ४५ संघ संस्थाले कारबाही गर्न माग गरेको हो ।
मेयरका उम्मदवार स्थापितले एक सार्वजनिक कार्यक्रममा प्रश्नकर्ता युवतीमाथि आपत्तिजनक शब्द प्रयोग गरेको भन्दै ४५ वटा संस्थाले संयुक्त विज्ञप्ति जारी गर्दै कारबाही गर्न माग गरेका हुन् ।
स्थापितमाथि सार्वजनिक स्थलमै महिलालाई अपमानजनक र अमानवीय व्यवहार गर्ने, असंवेदनशील, गैरजिम्मेवारपूर्ण अभिव्यक्ति दिनेलाई पार्टीले तुरून्त कारबाही गरी मेयरको उम्मेदवारी रद्द गर्नु पर्ने माग राखिएको छ ।
एक कार्यक्रममा स्थापितलाई युवतीले ‘मी टू’को बारेमा प्रश्न गरेकी थिइन् । यसमा आफूमाथिको आरोप बचाउँ गर्दै उनले आक्रमक प्रतिक्रिया दिएका थिए ।
केशव स्थापितको अभिव्यक्तिप्रति एमालेका अध्यक्ष केपी शर्मा ओलीले बचाउ गरेका थिए ।
