काठमाडौँ । आगामी वैशाख ३० गते हुने स्थानीय तहको निर्वाचनका लागि पूर्वी नवलपरासीमा कांग्रेसबाट तीन जना बागी उम्मेदवारले उम्मेदवारी फिर्ता लिएका छन् । कावासोतीमा कांग्रेसका २ बागी उम्मेदवारले पनि नाम फिर्ता लिएका छन् ।

उम्मेदवारी फिर्ता लिनेमा कावासोती नगरपालिका १२ का अध्यक्षमा स्वतन्त्र उम्मेदवारी दिएका राजकुमार गुरुङ र विष्णुप्रसाद लम्सालले शुक्रबार मनोनयन फिर्ता लिएका हुन् ।

यस्तै, लिंटार गाउँपालिकाको अध्यक्षमा स्वतन्त्र उम्मेदवारी दिएका जिल्ला समन्वय समितिका प्रमुख चेसराम आले मगरले पनि उम्मेदवारी फिर्ता लिएका छन् ।

निर्वाचन कार्यालयले उनीहरूले आफ्नो उम्मेदवारी फिर्ता लिएको जानकारी दिएका हुन् ।