काठमाडौँ । बहुजन समाज पार्टीकी प्रमुख मायावतीले समाजवादी पार्टीका अध्यक्ष अखिलेश यादवलाई लक्षित गर्दै उग्र प्रतिक्रिया दिइरहेकी छन् । उनले श्रृङ्खलाबद्ध ट्वीटमार्फत यादवप्रति आक्रोश पोखेकी हुन् ।
जहाँ उनले यादवको मुख्यमन्त्री बन्ने सपना कहिले पूरा नहुन बताएकी थिइन् । ‘आफै मुख्यमन्त्री बन्न नसक्ने व्यक्तिले अरुलाई कसरी प्रधानमन्त्री बनाउन सक्छिन् ?,’ उनले प्रश्न गरिन् ।
मायावतीले एकपछि अर्को ट्वीट गर्दै समाजवादी पार्टीका अध्यक्षलाई निशाना बनाएकी हुन् । ट्वीटमा उनले भनेकी छन्, ‘जब समाजवादी पार्टीका प्रमुखले उत्तर प्रदेशमा मुश्लिम र यादव समुदायको सबै मत लिए, अन्य धेरै दलहरूसँग गठबन्धन गरेर पनि मुख्यमन्त्री बन्ने सपना पूरा गर्न सकेनन् भने अरूको प्रधानमन्त्री बन्ने सपना कसरी पूरा गर्न सक्छन् ?’
मायावतीले जप लेखेकी छिन्, ‘जसले गत लोकसभा चुनावमा बसपासँग गठबन्धन गरेर पनि यहाँ पाँच सिट मात्र जित्न सक्यो, उसले बसपा प्रमुखलाई कसरी प्रधानमन्त्री बनाउने ? उनीहरूले यस्ता हल्का टिप्पणी दिन बन्द गर्नु पर्छ ।’
‘भविष्यमा मुख्यमन्त्री र प्रधानमन्त्री बनूँ की, नबनूँ त्यो अलग कुरा हो, तर हाम्रा कमजोर र उपेक्षित वर्गको हितका खातिर म कहिल्यै राष्ट्रपति बन्न सक्दिनँ,’ उनले लेखेकी छन्, ‘भोलिका दिनमा समाजवादी पार्टीका अध्यक्षको उत्तर प्रदेशमा मुख्यमन्त्री बन्ने सपना कहिल्यै पूरा हुन सक्दैन ।’
एक–दुई दिनअघि समाजवादी पार्टीका अध्यक्ष यादवले मैनपुरीमा सम्बोधन गर्दै भनेका थिए, ‘उत्तर प्रदेशमा बसपाले भाजपालाई भोट दिएको छ, के अब भाजपाले मायावतीलाई राष्ट्रपति बनाउला त ?’
समाजवादी पार्टीका अध्यक्ष यादवको राष्ट्रपतिसम्बन्धि भनाइप्रति बहुजन समाज पार्टीकी प्रमुख मायावतीले कडा प्रतिक्रिया दिएकी छन् । लखनउमा आयोजित पत्रकार सम्मेलनमा उनले जीवनमा पुनः उत्तर प्रदेशको मुख्यमन्त्री बन्ने र पछि देशको प्रधानमन्त्री बन्ने सपना मात्रै देखेको बताइन् ।