नयाँदिल्ली- अहिले शहरदेखि गाउँसम्म शुद्ध र स्वच्छ पानी प्राप्त गर्न चुनौती छ।
बढ्दो जनसंख्या, औद्योगिक क्रान्ति, प्राकृतिक जलस्रोत सीमित बन्नु तथा कुवा, इनार र तालहरूको सही रेखदेख नहुनुका कारण स्वच्छ पानी दुर्लभ बन्दै गएको हो।
सोही कारण शहर, बजारका घरहरूमा रिभर्स ओस्मोसिस (आरओ) प्रणाली जडान गर्ने ट्रेन्ड बढेको छ। तर, आरओ जडानका साथमा पानीको गुणस्तरका लागि टोटल डिजल्भ्ड सोलिड्स (टीडीएस)मा ध्यान दिनु उत्तिकै जरुरी छ। टीडीएसको सन्तुलन बिग्रियो भने त्यस्तो पानी मानव स्वास्थ्यका लागि हानिकारक हुन सक्छ।
टीडीएस बढी हुँदा के हुन्छ ?
– झाडापखाला
– वान्ता
– मिर्गौलामा पत्थरी
– उक्त रक्तचाप
– दाँतसँग सम्बन्धित समस्याहरू
पानीमा टीडीएस कम हुँदा के हुन्छ ?
– मिनरल्सको कमी
– कब्जियत
– मुटु रोगको जोखिम
– निर्जलीकरण (डिहाइड्रेसन)
पानीमा शून्यदेखि ५० पीपीएम टीडीएस देखियो भने अत्यावश्यक मिनरल्स कम भएको मानिन्छ। ५० देखि १५० पीपीएमलाई मिनरल्स सन्तुलित भएको मानिन्छ। र, यस्तो पानी पिउनका लागि अति योग्य मानिन्छ।
यस्तै, १५० देखि ३०० पीपीएमको पानी पनि राम्रो मानिन्छ। र, पिउन योग्य हुन्छ। ३०० देखि ५०० पीपीएमको पानी ठीकै मात्र हुन्छ। र, पिउनुअघि फिल्टर गर्नु अत्यावश्यक हुन्छ। तर, ५०० भन्दा बढी पीपीएमको पानी खराब मानिन्छ। र, पिउन योग्य मानिँदैन।
भास्कर डट कमबाट