काठमाडौं- जाडोमा हिटर सहारा नै बन्छ। अझ कमजोर स्वास्थ्य अवस्थाका व्यक्ति, ज्येष्ठ नागरिक र बालबालिकालाई चिसोबाट बचाउन हिटर महत्त्वपूर्ण हुन्छ। तर, यही हिटरको प्रयोगमा गल्ती गरियो भने ज्यानै लिन सक्छ।
हिटरबाट निस्किने कार्बन मोनोअक्साइड ग्यास निकै घातक हुने गर्छ। हिटरले केहीबेरमै कोठालाई न्यानो बनाइदिन्छ। तर, भेन्टिलेसन खुला नराखी यसलाई निरन्तर प्रयोग गर्दा भने प्राणघातक बन्न सक्छ।
निरन्तर कोठामा हिटर बालिरहँदा टाउको दुख्ने, दम, छाला सुक्खा हुने, रिँगटा लाग्ने, एलर्जीवाला खोकी, आँखामा जलनजस्ता स्वास्थ्य समस्या देखिन्छन्।
अपनाऊँ यी सावधानी
– हिटरको प्रयोगअघि राम्रोसँग त्यसको सफाइ गरौं
– हिटर लामो समयसम्म लगातार नचलाऊँ
– राति हिटर बालेर नसुतौं
– हिटर चलाएको समयमा कम-से-कम एउटा झ्याल खुला राखौं
– हिटर नजिक कागज, काठ या कुनै प्रज्वलनशील वस्तु नराखौं
– हावालाई जलयुक्त राख्न कोठामा बाल्टीमा पानी भरेर राखौं
– दम र श्वास प्रश्वासका रोगीहरू हिटरबाटै टाढै बसौं
– आफ्नो कोठाको आकारअनुसारको हिटर खरिद गरौं
– हिटरको स्टार रेटिङ जाँच गरौं
– खरिद गर्नुअघि हिटिङ क्षमता जाँच गरौं
– ज्यादा भोल्टेजवाला रुम हिटर खरिद नगरौं
– हिटरको सेफ्टी फिचर्स अवश्य जाँच गरौं
– सधैं हल्का र पोर्टेबल रुम हिटर नै खरिद गरौं
भास्कर डट कमबाट