सुनसरीको वडा नं ५ कालाबन्जरमा आज हुने भनिएको अन्तर्राष्ट्रिय आमन्त्रण भरौल भेट्रान गोल्ड फुटबल प्रतियोगिताको उद्घाटनका कार्यक्रम आयोजकले २ दिन पछाडी सारे पछि नेकपा एमालेको कारबाहीमा परेर निष्कासित भएका नेता भीम रावलले उद्घाटन गर्ने तय भएको कार्यक्रम स्थल नपुगि बाटो बाटै फर्किएका छन्।
विराटनगर विमानस्थलबाट सिधै कार्यक्रमका लागि भन्दै सुनसरीको कालाबन्जरमा आज हुने भनिएको अन्तर्राष्ट्रिय आमन्त्रण भरौल भेट्रान गोल्ड फुटबल प्रतियोगिताको उद्घाटनका लागि कालाबन्जरका मामा भान्जा हार्डवेयरका सञ्चालक प्रदिप ढकालको निजी सवारी साधन चडेर नेता रावल शुभचिन्तकहरूसँग साथ आएका थिए ।
आयोजकले “भरौल भेट्रान क्लबले’आज गर्ने भनिएको कार्यक्रम भने पुष २२ लागि सरेको पछि खेल मैदान नपुगि “प्रजिता होटेल”मा खाना खाई स्वतन्त्र नागरिक बचाउ अभियानका कार्यकर्ता,स्थानीय एमाले – काङ्ग्रेसका केही असन्तुष्ट कार्यकर्ता र भेट्रान फुटबल क्लबका आयोजकका बीच नेता रावलले आफ्नो अभियानबारे प्रवचन दिदैं एमाले अध्यक्ष तथा प्रधानमन्त्री केपी ओलीको निरङ्कुशता बारे आलोचना गरे थिए।
नेता रावलले देशभक्तिपूर्ण वैकल्पिक राजनीतिक शक्तिको निर्माण कस्तो हुने, मातृभूमि जागरण अभियानको औचित्य र राजनीतिक दलका विधि, पद्धति, प्रणाली र सुशासनको विषयमा बोल्दै बराहक्षेत्रका स्थानीयलाई अभियानमा जोडिन आग्रह गरे।
स्थानीयले अभियानको राजनीतिक दिशा कस्तो हुने भन्ने प्रश्नमा नेता रावलले उत्तर दिंदै अहिले ठुल्ठुला कुरा नगर्ने बताउँदै भने पहिले जनता जागरुक हुँदै उठ्नुस त्यसपछि तय हुन्छ,’ ‘हामीले के परिवर्तन गर्नुपर्छ पहिले शक्ति निर्माण गरौं न, त्यसपछि थाहा हुन्छ केके आउँछ भन्ने कुरा, नेता भीम रावलले उद्घाटन गर्ने भनिएको अन्तर्राष्ट्रिय आमन्त्रण भरौल भेट्रान फुटबल प्रतियोगिता एमाले नेताहरूको दबाब पछि स्थानीय आयोजकले दवाव थेग्न नसकि उद्घाटन सरेको कुरा स्थानीय गोपाल थापा बताए।