काठमाडौँ । धामीको कुटाइबाट एक महिलाको मृत्यु भएको छ । कैलालीको बेदकोट नगरपालिका ७ मुसेपानीकी ४३ वर्षीया रञ्जुला साउदको मृत्यु भएको हो ।

साउदलाई बोक्सी लागेको भन्दै स्थानीय धामी धर्मानन्द भट्ट र नारायण दत्त भट्टले मराणसन्न हुने गरी कुटेका थिए । कुटपिटका कारण साउदको मृत्यु भएसँगै कञ्चनपुर प्रहरीले उनीहरूलाई नियन्त्रणमा लिएको छ ।

धामीका कारण साउदको मृत्यु भएको भन्दै स्थानीयबासीले घर घेराउ गरेका छन् । साउद एकल महिला हुन् ।

आर्थिक अभाव भएकाले उनी अस्पताल जान सकेकी थिइनन् । जसका कारण उनी धामी झाँक्रीको भरमा उपचार गराउँदै आएकी थिइन् ।