नयाँ दिल्ली- युवतीको विवाह उमेर बढाउने विधेयकविरुद्ध ९० हजार इमेल आएका छन्।
झण्डै ९५ प्रतिशत इमेल विवाह उमेर १८ वर्षबाट २१ वर्ष पुर्याउने विधेयकको विरोधमा आएका हुन्। अंग्रेजी पत्रिका ‘द टेलिग्राफ’ का अनुसार यी इमेलहरू सरकारको प्रयासलाई विफल पार्ने षडयन्त्र हुनसक्ने अनुमान गरिएको छ।
शिक्षा, महिला, बालबालिका, युवा र खेलकुदसम्बन्धी संसदीय समितिको अध्यक्षता भाजपा नेता विनय सहस्रबुद्धले गरेका छन्। समितिलाई बालविवाह निषेध (संशोधन) ऐनमा करिब ९५ हजार इमेल आएको छ।
यो विधेयन डिसेम्बर २०२१ मा लोकसभामा पेश गरिएको थियो। समितिका अनुसार झण्डै ९० हजार विपक्षी इमेलको कन्टेन्ट एउटै रहेको र यसको स्रोत पनि एउटै छ। यी इमेलहरू यस महत्त्पूर्ण विधेयकलाई रोक्नका लागि गरिएको षडयन्त्र हुनसक्ने जनाइएको छ। प्रस्तावित विधेयक देशका सबै समुदायमा लागू हुने र यसले विद्यमान विवाह तथा व्यक्तिगत कानुनलाई विस्थापित गर्नेछ।
