काठमाडौँ । प्रमुख प्रतिपक्षी दल नेकपा एमालेले ललितपुर महानगरपालिकाको मेयर टुंगो लगाएको छ । एमालेले हरिकृष्ण व्यञ्जनकारलाई सर्वसम्मत उम्मेदवार चयन गर्ने भएको हो ।

एमाले महानगर कमिटीको बैठकले उनलाई सर्वसम्मत रूपमा मेयरको उम्मेदवार बनाउने निर्णय गरेको हो । उनले गत आइतबार बसेको बैठकले आफूलाई आगामी निर्वाचनका लागि उम्मेदवार चयन गरेको बताए ।

यसअघि व्यञ्जनकारले महानगरको उम्मेदवारीमा दाबी गर्दै आएका थिए । पार्टीमा निर्वाह गरेको भूमिकाको आधारमा उनलाई उम्मेदवार बनाउने निर्णय गरिएको हो ।

०७४ सालको स्थानीय तह निर्वाचनमा उनी मेयरमा पराजित भएका थिए ।