काठमाडौं- सिन्धुपाल्चोकको तातोपानीबाट बाह्रबिसे जाँदै गरेको एक बोलेरो भोटेकोशी नदीमा खसेको छ।

प्रहरीका अनुसार उक्त बोलेरोको नम्बर खुलेको छैन। बाह्रबिसे नगरपालिका–६ बोर्डरल्यान्डमा उक्त दुर्घटना भएको हो।

प्रहरीका अनुसार बोलेरो कसको हो भन्ने पनि खुलेको छैन। भोटेकोशी नदीमा ठूलो भेल आएकाले बोलेरो निकाल्न नसकिएको प्रहरीले जनाएको छ। बोलेरोमा कति यात्री थिए भन्ने पनि खुलेको छैन।

प्रहरी, सेना र सशस्त्र प्रहरी घटनास्थलमा पुगेर यात्रीको उद्धार प्रयास गरिरहेका छन्। क्रेनमार्फत बोलेरो नदीबाट निकाल्ने प्रयास भइरहेको प्रहरीले जनाएको छ।