सर्लाहीमा गोली प्रहार गरी एक भारतीय नागरिकको हत्या गरिएको छ।

सदरमुकाम मलंगवा-९ मा बुधबार साँझ पौने आठ बजेतिर गोली प्रहार गरी भारत बिसनपुरका करिब ३५ वर्षका इन्दलकुमारको हत्या भएको हो। उनको स्थानीय प्रादेशिक अस्पतालमा उपचारका क्रममा मृत्यु भएको थियो।

उनीमाथि भारतीय नागरिकले नै गोली प्रहार गरेको प्रहरीको भनाइ छ। गोली प्रहार गर्ने व्यक्ति–समूहबारे यकिन नभइसकेको प्रहरीले जनाएको छ।

तर, मृतक आपराधिक पृष्ठभूमि आपराधिक रहेको देखिएकाले उनको हत्या सोही कारण भएको प्रहरीको अनुमान छ। मृतकको मोबाइलमा उनको हत्या गर्ने धम्की दिइएका म्यासेज देखिएका छन्।

मोटरसाइकलमा सवार उनलाई भारतबाटै पछ्याउँदै आएको समूहले गोली प्रहार गरेको प्रारम्भिक अनुसन्धानमा खुलेको प्रहरीले जनाएको छ।