काठमाडौं- झापा हल्दीबारी गाउँपालिका-२ पशुपति चोकमा बा.१ ज ७७४७ नम्बरको टिपरबाट गिट्टी अनलोड गर्ने क्रममा विद्युतको तारमा छोएर करेन्ट लाग्दा टिपरका चालक सोही गाउँपालिका-५ धनुषा बस्ने ४८ वर्षीय विकाश तामाङको बुधबार बिहान मृत्यु भएको छ । करेन्ट लागेर गम्भीर घाइते भएका उनको बिएण्डसी अस्पताल विर्तामोडमा उपचारको क्रममा मृत्यु भएको हो ।

सप्तरी बोदेबर्साईन नगरपालिका-८ काचन बस्ने ६५ वर्षीय राम नारायण साहको करेन्ट लागेर बुधबार बिहान मृत्यु भएको छ । आफ्नै घरको छतमाथि रेलिङगमा पानी हाल्ने क्रममा नजिकै रहेको ११ हजार भोल्टको तारमा पानीले छोएर करेन्ट लाग्दा उनको मृत्यु भएको हो ।