बराहक्षेत्र- बराहक्षेत्र नगरपालिका-१ मा मोटरसाइकलदेखि कुखुरा चोरीको धटनामा वृद्धि भईरहेको छ।

बराहक्षेत्र नगरपालिका-१ भलायोटार बस्ने रामु साहको छोरा मनिष साहको नाममा दर्ता भएको प्रदेश-१-०२ ,०४३-४३०३ कालो रङ्गको आपाची २०० सिसिको मोटरसाइकल घर बाटै केहि समय अगाडी रातको समयमा चोरी भएको छ।

उनले आफ्नो मोटरसाइकल चोरी भए पछि तत्काल प्रहरीमा लिखित जाहेरी दिएका थिए। हालसम्म उक्त हराएको मोटरसाइकल प्रहरीले चोरबाट बरामत गरी आफुलाई बुझाउन नसकेको मनिष साहले बताए ।

यस अघि पनि विभिन्न समयमा बराहक्षेत्र वडा नं १ र २ मा स्थानीय व्यक्तिहरु सुभरा राई, सन्तोष साह,आलोक श्रेष्ठ, राजु कटुवाल, राम राई, साजन राय तथा सेन्चुरी बैंकमा कार्यरत कर्मचारी मोहन दाहाल लगायतले पार्किङ गरी राखेको स्थानबाट रातको समयमा मोटर साइकल चोरीको भइसकेको स्थानीयले बताएका छन् ।

उक्त चोरी धटनामा संलग्न चोरलाई प्रहरीले नपक्रन सक्यो नत हराएको सामान बरामत गरी सम्वन्धी धनिलाई बुझाउन नसकेको कुरा गोपाल कार्कीले जानकारी दिदै भने वडा नं १ खोरखोलामा सिताराम विष्टको घरमा खोरमा थुनेको कुखुराको भाले पनि चोरले चोरी लगिदिएको बताउदै भने यस किसिमको चोरीको धटनाले बराहक्षेत्र चतराको शान्ति सुरक्षाको स्थिति के जनाउदछ भनि प्रति प्रश्न गरे ।

चोरीको घट्नाहरु रोकथाम तथा नियन्त्रणका लागि प्रहरीले रातको समय चेकजाँचमा कडाई गर्नु पर्ने तथा शंकास्पद व्यक्तिउपर छानविन गर्नु पर्ने माग स्थानीय बासिन्दाहरूको रहेको छ।