बराहक्षेत्र- हाटखोला फुटबल क्लब बराहक्षेत्र वडा नं २ ले ‘बराहक्षेत्र नगरको चाहना दुव्र्यसन मुक्त समाजको स्थापना’ भन्ने नारा साथै २१ औँ “माउण्ड एभरेष्ट च्यालेन्ज कप” क्लब स्तरिय फुटबल प्रतियोगिता आयोजना गर्ने भएको छ ।

आज बराहक्षेत्र नगरपालिका वडा नं १ झण्डा चोक स्थित सरोबर रेस्टुडामा पत्रकार सम्मेलन आयोजना गरेर उक्त जानकारी दिएको हो। भेटघाट तथा पत्रकार सम्मेलनमा क्लबका सचिव रोहित साहका अनुसार यहिँ भदौ १० गते देखि १५ गते सम्म बाइस विगेको खेल मैदानबाट क्लब स्तरिय फुटबल प्रतियोगिता आयोजना गर्ने कुरा बताउदै ८ वटा क्लबहरुले सहभागी जनाउने जानकारी दिदै भने आयोजक हाटखोला फुटबल क्लब,मच्छिन्द्र फुटबल क्लब (केराबारी मोरङ) चक्रधटी फुटबल क्लब (बराहक्षेत्र ६ चक्रधटी) हाटखोला फुटबल क्लब (बराहक्षेत्र १) तालतलैया बोइज फुटबल क्लब (इटहरी ३) गाईघाट फुटबल क्लब (उदयपुर)। पकली, राजावास फुटबल क्लब (बराहक्षेत्र ९) ले सहभागिता जनाउदै आकर्षण खेल हुने जानकारी दिए।

प्रथम हुने टिमले नगद ५१,०५१ र दोस्रो हुनेले ३१,०३१ पुरस्कारका साथै ट्रफी पाउने छन भने दैनिक खेलमा म्यान अफ द म्याचसहित उत्कृष्ट खेलाडीले नगदसहित ट्रफी प्राप्त गर्नेछन् ।

कार्यक्रममा स्थानियवासी तथा पूर्व राष्ट्रिय फुटबल खेलाडी रोसन श्रेष्ठले भने फुटबल प्रतियोगिता गर्नुको मुख्य उद्धेश्य तथा लक्ष्य स्थानीय भाइबहिनी तथा नयाँ पिढीका युवा पुस्तालाई लागु पदार्थ दुर्वेसनबाट टाढा राखी दैनिक रुपमा फुटबलको माध्यमबाट स्वास्थ्य, तन्दुरुस्ती राख्न ग्रामीण क्षेत्रमा रहेका खेलाडीहरुलाई व्यावसायिकतामा विकास तथा प्रवर्धन गराई स्थानीय खेलाडीहरुलाई राष्ट्रिय स्तरमा पुर्याउने सहयोगी भुमिका निर्वाह गर्ने कुरा श्रेष्ठले व्यक्त गरे।

बराहक्षेत्र नगरपालिका वडा नं २ हाटखोला फुटबल क्लब र माउन्ट एभरेस्ट फुटबल क्लबबाट उत्पादित राष्ट्रिय फुटबल खेलाडीहरु पुरुष तर्फबाट वर्तमान राई,आकास राई,अमर श्रेष्ठ, सौरव बराल,असिप राई,राहुल राई,निसान बुढाथोकी रहेका छन् ।महिला तर्फबाट पबित्रा राई,मुना मगर,मनिसा बिष्ट रहेका छन् ।

उनीहरु विभिन्न राष्ट्रिय स्तरका क्लबहरूमा आबद्ध भएर व्यवसायीक प्रतियोगितामा खेलिरहेका छन् । उक्त प्रतियोगिताको अनुमानित बजेट ७ लाख ५० हजार रकम रहेको छ।

माउन्ट एभरेष्ट च्यालेन्ज कप विगत दुई दशकअघि देखि निरन्तर सन्चालन भइरहेको छ।