काठमाडौँ । युक्रेनका राष्ट्रपति भोलोदोमिर जेलेन्स्की र बेलायतका प्रधानमन्त्री बोरिस जोनसनबीच फोनवार्ता भएको छ । जेलेन्सीले आफूले बेलायतका प्रधानमन्त्री बोरिस जोनसनसँग फोनमा कुराकानी गरेको जानकारी दिएका हुन् ।
उनले बुधबार भने, ‘हामीले बेलायतका प्रधानमन्त्रीसँग कुराकानी गरेका छौँ, यतिखेर युक्रेनमाथि भएको रुसी हमलाविरुद्ध आवश्यक सहयोगका बारेमा हामीले छलफल गरेका छौँ ।’
युक्रेनका राष्ट्रपति जेलिन्स्किीले आफूले बिहीबार हुन लागेको ग्रुप अफ ७ को बैठक अगाडि नै बेलायतले युक्रेनलाई केही सहयोग गर्ने विषयमा बेलायती प्रधानमन्त्री जोनसनले जानकारी गराए ।
यसअघि नै बेलायतका प्रधानमन्त्री जोनसनले युक्रेनलाई आवश्यक सहयोग उपलब्ध गराउन विश्व समुदायलाई आग्रह गरेका थिए । उनले ट्वीट गरेर युक्रेनलाई बचाउनका लागि विश्व समुदायले उसलाई सैन्य सहयोग उपलब्ध गराउनु आवश्यक रहेको बताएका थिए ।
