कैलाली- गत जेष्ठ २७ गते साइबर क्राइम (बिद्धुतिय अपराध) मा मोबाइल पसल मालिक सल्ताज आलमसंगै पक्राउ परेका नाबालाक १५ दिनदेखि प्रहरी हिरासतमै रहेका छन् । प्रहरीले आज पुनः म्याद थपका लागि सरकारी वकिलकोमा लैजाने तयारी गरिरहेको छ ।
धनगढीमा बिग्रिएको मोबाईल मर्मत गर्न दिएकी युवतीको फोटो जोडेर अश्लिल भिडियो बनाएको आरोपमा जेष्ठ २७ गते आशिष मोबाईल ग्यालरीका सञ्चालक शल्ताज आलम र कामदार नाबालकलाई प्रहरीले पक्राउ गरेको थियो ।
पक्राउ परेको १५ दिन भैसक्दा समेत प्रहरीले दोषी पत्ता लाउन सकेको छैन । जिल्ला प्रहरी कार्यालय कैलालीका प्रबक्ता प्रहरी नायब उपरीक्षक (डिएसपी) कबिन्द्र बोहराले उक्त केसमा अनुसन्धान भैरहेको बताउदै आज म्याद थप गर्न लागेको बताए । नाबालकको भनाइबारे भने डिएसपी बोहराले अहिले केहि बताउन नमिल्ने बताए । तर, श्रोतले दिएको जानकारी अनुसार पसल संचालक आलमले सबै दोष बालकलाई लगाउदै आएको भएपनी बालक आफुले भने उक्त काम नगरेको बताएका छन ।
जिल्ला प्रहरी कार्यालय कैलालीको हिरासतमा रहेका बालकले आफन्तलाई आफुले उक्त कार्य नगरेको, साहुले मैले गरेको भन्न लगाएको बताएको श्रोतले जानकारी दिएको छ ।
उता, मोबाईल बनाउन दिने युवतीको अश्लिल भिडियो बालकले बनाएको भन्दै उनैलाई दोषी करार गरेर आलमलाई उम्काउने चलखेल भइरहेको बताइएको छ ।
ग्राहकको अश्लिल भिडियो बनाएर विद्युतीय अपराध सम्बन्धी कसुर गरेकाले उनी कानुनी प्रक्रिया पूरा गरेर मात्र छुट्ने जिल्ला प्रहरी कार्यालय कैलालीका प्रमुख प्रहरी उपरीक्षक ९एसपी० पदम बहादुर बिष्टले बताए ।
प्रहरीले पसलमा मर्मत गर्न दिएको मोबाईलमा मोबाईल धनी युवतीको अश्लिल भिडियो बनाएर ब्ल्याकमेल गरेको पाइएपछि उनीहरुलाई पक्राउ गरेको जानकारी दिएको छ ।
प्रहरीकाअनुसार मोबाईलमा युवतीको फोटोमा अश्लिल फोटो जोडेर भिडियो बनाएर फेसबुक आइडीबाट उनैलाई पठाएर ब्ल्याकमेल गरिएको थियो भने युवतीको फेसबुक आइडी समेत प्रयोग गरेर विभिन्न अश्लिल भिडियो हेर्ने गरेको पाइएको प्रहरीको भनाई छ ।