नयाँ दिल्ली– बलिउडका कलाकार शाहरुख खान हिटस्ट्रोक भएपछी अस्पताल भर्ना भएका छन्। हिटस्ट्रोक र डिहाइड्रेशनका कारण शाहरुख खानलाई अहमदाबादको केडी अस्पतालमा भर्ना गरिएको इन्डिया टुडेले जनाएको छ।

अस्पतालले शाहरुखलाई डिस्चार्ज गरिसकेको छ। मंगलबार राति असहज महसुस  गरेका खान आईपीएलको प्ले अफमा आफ्नो टिम केकेआरलाई सर्पोट गर्न अहमदाबाद स्टेडियम पुगेका थिए। त्यसपछि उनलाई कमजोर महसुस गरेपछि अस्पताल भर्ना गरिएको थियो।

हालैका केही दिनयता भारतमा गर्मी ह्वात्तै बढेपछी केही प्रदेशमा मौसम विभागले तातो हावाको लहर चल्ने भन्दै रेड अलर्ट जारी गरेको छ।