काठमाडौँ । युक्रेनमाथि रुसले सैन्य आक्रमण गरेको करिब तीन हप्ता पुगेको छ । यसैबीच युक्रेनलाई साथ दिँदै आएका युरोपेली शीर्ष नेताहरू रेल चडेर किभ पुगेका छन् ।
पोल्याण्डदेखि युक्रनेको राजधानी किभसम्म खतरनाक रेल यात्रा गरेका तीन जना युरोपेली नेताहरूको प्रशंसा भएको हो । उनीहरू मंगलबार साँझ किभमा पुगेका थिए ।
किभमा कर्फ्यु लागु भएकै अवस्थामा पोल्याण्ड, स्लोभेनिया र चेक गणतन्त्रका प्रधानमन्त्रीहरू युक्रेनी राष्ट्रपति भोलोदिमिर जेलेन्स्कीलाई भेट्न किभ पुगेका हुन् ।
पोल्याण्डका प्रधानमन्त्री मातेउस मोराभिएत्सकीले युरोपले युक्रेन गुमाए अहिलेको जस्तै अवस्था नहुने बताए । यस्तै, युक्रेनका राष्ट्रपति जेलेन्स्कीले आफूलाई ठूलो शक्ति मिलेको प्रतिक्रिया दिएका थिए ।
‘तपाईंहरूको भ्रमण युक्रेनका लागि समर्थनको शक्तिशाली अभिव्यक्ति हो,’ जेलेन्स्कीले किभ पुगेका नेताहरूलाई भने । किभमा युरोपका तीन नेताहरूसँग छलफल हुँदै गर्दा ठूलो विस्फोटन भएका थिए ।
