काठमाडौं– बिहीबार नेपाली बजारमा सुनको भाउ बढेको छ। बुधबार तोलामै २७ सयले घटेको सुनको भाउ आज भने ह्वात्तै बढेको हो।

आज छापावाल सुन तोलामै २ हजार रुपैयाँले बढेर प्रतितोला १ लाख ३६ हजार ५०० रुपैयाँ कायम भएको नेपाल सुनचाँदी व्यवसायी महासंघले जनाएको छ। बुधबार छापावाल सुन प्रतितोला १ लाख ३४ हजार ५०० रुपैयाँमा खरिद-बिक्री भएको थियो।

यस्तै, आज तेजाबी सुन प्रतितोला १ लाख ३५ हजार ८५० रुपैयाँमा किनबेच भइरहेको छ। बुधबार तेजाबी सुन प्रतितोला १ लाख ३३ हजार ८५० रुपैयाँमा कारोबार भएको थियो।

यस्तै, आज चाँदीको भाउ पनि बढेको छ। आज चाँदी प्रतितोला १६ सय ४५ रुपैयाँमा किनबेच भइरहेको छ। बुधबार चाँदी प्रतितोला १६ सय ३० रुपैयाँमा कारोबार भएको थियो।