काठमाडौँ । राष्ट्रपति विद्यादेवि भण्डारीसँग नेपाल भ्रमणमा रहेका साउदी अरबका राजकुमार तथा विदेशीमन्त्री फैजल बिन फरहान अल साउदले शिष्टाचार भेट गरेका छन् ।

मंगलबार राष्ट्रपति भवन शीतल निवासमा दुई देशबीच रहिआएको सम्बन्ध, आपसी हित र चासोका विषयमा छलफल भएको राष्ट्रपतिको कार्यालयले जनाएको छ ।

आजै बिहान परराष्ट्र मन्त्रालय र साउदी अरबका प्रतिनिधिबीच पर राष्ट्रमन्त्री स्तरीय बैठक सम्पन्न भएको थियो । बैठकमा पारस्परिक सहयोग अभिवृद्धि गर्नेसम्बन्धी सम्झौता पत्रमा हस्ताक्षर भएको थियो ।

साउदी राजकुमार साउदले आजै प्रधानमन्त्री शेरबहादुर देउवासँग भेट वार्ता गरी स्वदेश फिर्ता हुने कार्यक्रम रहेको छ ।