काठमाडौं- सिरहा औरही गाउँपालिका-२ तुलसीपुर बस्ने २८ वर्षीय महेश कुमार यादवको घरमा सिलिन्डर पड्की मंगलबार राति आगलागी हुँदा खाद्यान्न लगायतका सामानहरू जलेर करिब २ लाख रूपैयाँ बराबरको धनमाल नष्ट भएको छ । साथै सिलिन्डर पड्किँदा घाइते भएका यादवलाई स्थानिय मेडिकल सुखिपुर हुँदै थप उपचारको लागि आरके मेडिसिटी अस्पताल धनगढी रिफर गरिएको छ ।
प्यूठान माण्डवी गाउँपालिका-४ तिल्केनी सामुदायिक वनमा मंगलबार राति लागेको आगो फैलिएर सोही ठाउँस्थित २ वटा घर र ५ वटा गोठ जलेर नष्ट भएको छ । क्षतिको विवरण हालसम्म खुलेको छैन ।
यसैगरी प्यूठान माण्डवी गाउँपालिका-२ टुक्रुकस्थित पोखरी सामुदायिक वनमा मंगलबार दिउँसो लागेको आगो फैलिएर सोही ठाउँस्थित १ वटा घर र ४ वटा गोठ पूर्णरूपमा जलेर नष्ट भएको छ । क्षतिको विवरण हालसम्म खुलेको छैन ।
यसैगरी प्यूठान प्युठान नगरपालिका-२ ढाडस्थित वसन्त सामुदायिक वनमा मंगलबार दिउँसो लागेको आगो फैलिएर सोही ठाउँ बस्ने हिरा बहादुर परियारको गोठ र कुखुराको खोर जलेर पूर्णरूपमा नष्ट भएको छ । क्षतिको विवरण हालसम्म खुलेको छैन ।
खोटाङ हलेसी तुवाचुङ नगरपालिका-५ मयाँखुस्थित लालिगुँरास सामुदायिक वनमा मंगलबार दिउँसो लागेको आगो फैलिएर सोही नगरपालिका-५ सोरागाँउ बस्ने विनोद राईको घर, चौकीराज राईको घर र मतान समेत जलेर करिब १७ लाख रूपैयाँ बराबरको धनमाल नष्ट भएको छ ।
यसैगरी खोटाङ खोटेहाङ गाउँपालिका-१ मुलाबारीस्थित लिकुवापोखरी सामुदायिक वनमा मंगलबार दिउँसो लागेको आगो फैलिएर सोही ठाउँ बस्ने टंकनाथ तिम्सिनाको घर र गोठमा समेत आगलागी हुँदा घर र गोठ पूर्णरूपमा जलेर करिब ७ लाख ८५ हजार रूपैयाँ बराबरको धनमाल नष्ट भएको छ ।
मकवानपुर बकैया गाउँपालिका-५ पावसस्थित गितवार सामुदायिक वनमा मंगलबार दिउँसो लागेको आगो फैलिएर सोही ठाउँ बस्ने नर बहादुर राईको घर, गोठ र दल बहादुर राईको गोठ समेत जलेर करिब ११ लाख ५० हजार रूपैयाँ बराबरको धनमाल नष्ट भएको छ ।
रामेछाप मन्थली नगरपालिका-३ अर्चलेस्थित अर्चलेपाखा सामुदायिक वनमा मंगलबार बिहान लागेको आगो फैलिएर सोही ठाउँ बस्ने केशव बहादुर बोगटीको २ वटा घर जलेर करिब ४ लाख रूपैयाँ बराबरको धनमाल नष्ट भएको छ ।
ललितपुर महालक्ष्मी नगरपालिका-५ टिकाथलीस्थित सर्लाही घर भएका बिरेन्द्र सिंह दनुवारको टहरा, रौतहत घर भएका बिक्रम यादबको टहरा र उदयपुर कटारी घर भएका मान बहादुर बुढाथोकीको टहरामा ग्यास लिक भई मंगलबार दिउँसो आगलागी हुँदा ३ वटै टहरा र मान बहादुरको कपासको खेलौना बनाउने कारखाना समेत जलेर करिब १९ लाख ७० हजार रूपैयाँ बराबरको धनमाल नष्ट भएको छ ।
लमजुङ क्व्होलासोथार गाउँपालिका-३ घलेगाउ बस्ने ओम प्रकाश गुरुङको घरमा विद्युत सर्ट भई मंगलबार बिहान आगलागी हुँदा घर पूर्णरूपमा जलेर करिब १४ लाख १४ हजार ५ सय रूपैयाँ बराबरको धनमाल नष्ट भएको छ ।
रौतहट देवाही गोनाही नगरपालिका-१ बजार करूनिया टोलमा मंगलबार दिउँसो आगलागी हुँदा सोही टोलको ४ वटा घर र ४ वटा गोठ जलेर करिब २६ लाख १० हजार रूपैयाँ बराबरको धनमाल नष्ट भएको छ ।
यसैगरी रौतहट चन्द्रनिगाहपुर नगरपालिका-१ पौराईस्थित वनमा मंगलबार साँझ लागेको आगो फैलिएर सोही ठाउँस्थित रोयल नेपाल बि फर्ममा आगलागी हुँदा मौरीको ६० घार जलेर करिब ५ लाख रूपैयाँ बराबरको धनमाल नष्ट भएको छ ।
सुनसरी भोक्राहानरसिंह गाउँपालिका-३ डलुवास्थित सिसौ टोल बस्ने गियानन्द मेहताको घरमा विद्युत सर्ट भई मंगलबार दिउँसो आगलागी भएको छ । क्षतिको विवरण हाल खुलेको छैन ।
सिन्धुली गोलन्जोर गाउँपालिका-६ गैरीगाँउस्थित बलेनी सामुदायिक वनमा मंगलबार साँझ आगलागी हुँदा सोही ठाउँ बस्ने बेद कोइराला समेत ३ जनाको ४ वटा घर र १ वटा गोठ पूर्णरूपमा जलेर करिब १९ लाख ५० हजार रूपैयाँ बराबरको धनमाल नष्ट भएको छ ।
कैलाली गोदावरी नगरपालिका-१ महेन्द्रनगर रोडस्थित कञ्चनपुर कृष्णपुर नगरपालिका-७ घर भएका प्रेरणा पाण्डेले सञ्चालन गरेको प्रेरणा सपिङ्ग सेन्टरमा गएराति आगलागी हुँदा पसल पूर्णरूपमा जलेर नष्ट भएको छ । क्षतिको विवरण हाल खुलेको छैन ।
कैलाली कैलाली गोदावरी नगरपालिका-१ महेन्द्रनगर रोड स्थित कञ्चनपुर कृष्णपुर नगरपालिका-७ घर भएकी प्रेरणा पाण्डेले संचालन गरेको प्रेरणा सपिङ सेन्टरमा गएराति आगलागी हुँदा सपिङ सेन्टरभित्र रहेका सम्पूर्ण समानहरु जलेर करिब ४७ लाख ४५ हजार रूपैयाँ बराबरको धनमाल नष्ट भएको छ ।
सर्लाही बलरा नगरपालिका-६ मिर्जापुर बस्ने राम चन्द्र महतोको घरमा विद्युत सर्ट भई मंगलबार राति आगलागी हुँदा अन्नपात, लत्ताकपडा लगायतका सरसामान जलेर करिब ६ लाख रूपैयाँ बराबरको धनमाल नष्ट भएको छ । आगो निभाउने क्रममा जलेर घाइते भएका २ जना स्थानीय मेडिकलमा उपचार पश्चात डिस्चार्ज भएका छन् ।