काठमाडौँ । करिब २१ महिनाकी बालिकालाई अपहरणपछि बलात्कार गरी हत्या गरेको आरोपमा दुई जनालाई सार्वजनिक गरेको छ । मोरङ जिल्ला प्रहरी कार्यालयले सुन्दरहरैचा नगरपालिका ७ का २५ वर्षीय अजय चौधरी र २८ वर्षका मिथुन चौधरीलाई सार्वजनिक गरेको हो ।

उनीहरूले बेलबारी ८ की बालिकालाई घरमा कोही नभएको अवस्थामा अपहरण गरी बलात्कारपछि हत्या गरेका थिए । अभियुक्तहरूले फागुन २७ गते बालिकालाई अपरहण गरी सुन्दरहरैचा नगरपालिका ७ स्थित गणेशपुरको वनमारा र बयरघारीमा लगेर बलात्कार गरेको खुलेको छ ।

खोजी गर्ने क्रममा परिवारले बालिकालाई गम्भीर अवस्थामा फेला पारेर नोबेल अस्पताल विराटनगर लगेका थिए । प्रहरीका अनुसार बालिकाको सुरुवाल खुल्लै थियो भने टाउको सुन्निएको थियो ।

प्रहरीका अनुसार उनीहरूले गाँजा सेवन गरी बालिकालाई लगेर बलात्कार गरेको खुल्न आएको छ ।