काठमाडौं– ओमानमा जारी एसीसी प्रिमियर कप क्रिकेट प्रतियोगितामा हङ्कङले नेपाललाई जितका लागि ११५ रनको लक्ष्य दिएको छ। नेपालले टस जितेपछि पहिले ब्याटिङको निम्तो पाएको हङकङले १७.५ ओभरमा अलआउट हुँदै ११४ रन बनाएको हो।

हङकङका लागि ओपनर अन्शी रथले सर्वाधिक ३४ रन बनाए। त्यस्तै जिसन अलीले १४, कप्तान निजाकत खानले १२ र एहसान खानले ११ रन बनाए।

बलिङमा नेपालका अविनाश बोहराले ३ विकेट लिए भने दीपेन्द्रसिंह ऐरी र ललित राजवंशीले पनि २/२ तथा करण केसीले १ विकेट हात पारे।

अहिले नेपाल जवाफी ब्याटिङमा उत्रेको छ।