काठमाडौं– सोमबार सुनको भाउ तोलामा ६ सयले बढेर हालसम्मकै उच्च मूल्य कायम भएको छ। आइतबार पनि तोलामा २९ सयले बढेर नयाँ रेकर्ड बनाएको सुनको भाउले आज पनि बढेर कीर्तिमानी मूल्य कायम भएको हो।

आज छापावाल सुन तोलामा ६ सयले बढेर प्रतितोला १ लाख ३६ हजार २०० रुपैयाँ कायम भएको नेपाल सुनचाँदी व्यवसायी महासंघले जनाएको छ। आइतबार छापावाल सुन प्रतितोला १ लाख ३५ हजार ६०० रुपैयाँमा खरिद-बिक्री भएको थियो।

यस्तै, आज तेजाबी सुन प्रतितोला १ लाख ३५ हजार ५५० रुपैयाँमा किनबेच भइरहेको छ। आइतबार तेजाबी सुन प्रतितोला १ लाख ३४ हजार ९५० रुपैयाँमा कारोबार भएको थियो।

यस्तै, आज चाँदीको भाउ पनि बढेको छ। आज चाँदी प्रतितोला १६ सय ८५ रुपैयाँमा किनबेच भइरहेको छ। आइतबार चाँदी प्रतितोला १६ सय ७० रुपैयाँमा कारोबार भएको थियो।