काठमाडौं– इजरायलले दक्षिणी गाजाबाट एउटा ब्रिगेडबाहेक सबै सैनिक फिर्ता बोलाएको आइतबार स्थानीय सञ्चारमाध्यमले जनाएका छन्।

नाहल नामक ब्रिगेडले मध्य क्षेत्रबाट गाजालाई हेर्छ र गाजाको दक्षिणबाट उत्तरमा नागरिकहरूको फिर्तीलाई रोक्छ। इजरायलको सरकारी स्वामित्वको कान टीभी समाचारका अनुसार नयाँ ‘सुरक्षा क्षेत्र’ स्थापना भएपछि इजरायली रक्षा बल (आईडीएफ)ले गाजाको वरिपरि रहेको इजरायली क्षेत्रमा आफूलाई पुनर्गठित गरेको छ।

आईडीएफ स्रोतलाई उद्धृत गर्दै समाचारमा भनिएको छ, “इजरायली सेनाले अब ‘गुप्तचरमा आधारित’ छापामा ध्यान केन्द्रित गर्नेछ र आवश्यकता अनुसार गाजा फर्कने छ। सेनाको बहिर्गमन ‘राजनीतिक दबाब’सँग सम्बन्धित छैन,” सेनाद्वारा जारी विज्ञप्तिमा भनिएको छ।