काठमाडौँ । नेपाली कांग्रेस चितवनको सभापतिमा राजेश्वर खनाल विजयी भएका छन् । हिजोदेखि भएको जिल्ला अधिवेशनको दोस्रो चरणको निर्वाचनमा खनाल विजयी भएका हुन् ।

खनाललाई मिलनबाबु श्रेष्ठले समर्थन गरेसँगै उनी स्वतः विजयी भएका हुन् । पहिलो चरणको निर्वाचनमा कुनै उम्मेदवार विजयी भएका थिएनन् । कांग्रेसको विधानमा सभापति हुन ५१ प्रतिशत मत ल्याउनु पर्ने हुन्छ ।

आज दोस्रो चरणको मतदान हुने कार्यक्रम तय भए पनि पहिलो चरणमा सर्वाधिक मत प्राप्त गरेका खनाल र श्रेष्ठ मिलेपछि उनी खनाल विजयी भएका हुन् । पहिलो चरणमा खनालले ७४६ मत प्राप्त गरेका थिए भने श्रेष्ठले ६६२ मत पाएका थिए ।

यस्तै, उत्तम जोशीले ४७३ मत, कैलाश कोइरालाले ४१२ मत र प्रा डा. सूर्यकान्त घिमिरेले ४२६ मत प्राप्त गरेका थिए ।