काठमाडौँ । फ्रान्सले युक्रेनको पाँच वटा मुख्य आणविक केन्द्रलाई सुरक्षा प्रदान गर्ने भएको छ ।

उसले अन्तर्राष्ट्रिय आणविक ऊर्जा एजेन्सी (आइएइए)को मापदण्डमा आधारित पाँच मुख्य युक्रेनी आणविक केन्द्रको सुरक्षा गर्न आफ्ना साझेदारलाई विशेष कदम प्रस्ताव गर्ने एलिसी दरबारले जनाएको छ ।

‘फ्रान्सेली राष्ट्रपति इमानुएल म्याक्रोनले आइएइए निर्देशकसँग भेट गरेको उल्लेख गर्दै केही घण्टामा फ्रान्सले उक्त संस्थाको प्राविधिक मापदण्डमा आधारित युक्रेनको पाँच मुख्य आणविक वस्तुको सुरक्षा प्रदान गर्न आफ्ना मुख्य साझेदारलाई ठोस उपाय प्रस्ताव गर्ने छ,’ दरबारले विज्ञप्तिमा जनाएको छ ।